كرات الزيتون باللحم

السلام عليكم ورحمة الله تعالى وبركاته

تعودنا على الطريقة التقليدية لطبخ مرق الزيتون ولي تحب تعمل هذا الطبق

بدون ما يعرف احج انه زيتون وخاصة لي ما يحبش ياكله هذه طريقة سهلة ورائعة

المقادير:

كيلو زيتون 1كغ

رطل لحم مرحي

نصف كاس خبز مرحي(بقسماط)

من6الى 8حبات بيض(حسب الحاجة)

ملح-فلفل اسود-كمون-سكنجبير- قرفة مرحية-كروية-سنينات ثوم

الطريقة:

ناخذ الزيتون بعد ما نحيو منه الملح (اسهل طريقةلذلك تخليوه ليلة او ليلة ونصف في الماء )

نرحيوه في الخلاط الكهربائي ونعصروه مليح من الماء وهذه اهم مرحلة مالازمش يبقى فيها الماء

نضيفوله اللحم البيض الخبزالمرحي وكافة المقادير الاخرى ولمها مليح حتى تجانس كلها مع بعض

ونبداو نعملو كرات ونضعهم في المرق المعتاد ومن الاحسن تكون المرقة بيضة نحطوها في صحن الفرن

ونغطيها بورق الالمنيوم ونخليها لمدة ربع ساعة حتى تتجمر المرقة تقدري تضيفي عليها الفرماج اذا حبيتي

كذلك تقدري عمري الكرات بالفرماج(لازم نعصرو الزيتزن مليح من الماء حتى ما يتفتحوش الكرات)

شهية طيبة

[ندعوك للتسجيل في المنتدى أو التعريف بنفسك لمعاينة هذه الصورة]
يسلمووووو كتييييير شكلها حتطلع زاكيه