شباب النيل
طالبوا بالتغيير
علشان يبقي ليا ويبقي ليك
مستقبــــل كبــــير
ضحوا بحياتهم فدانا
همومهم هيا دوانا
عشان بيحبوا مصر فعلا
قالوا اللي جوانا
عشان ننور سمانا
والناس تكون فرحانة
مفيش وشوش زعلانة
وأظن دة مش كتير
شباب النيل
قاموا بثورة جيل
وماتوا في التحرير
رأفضين التأجيل
وكلام كتير مش قليل
قالوا بصوت عالي ومهمهمش
انهم مصريين بجد ميهزهمش
رافضين اي حد ميحسهمش
حتي لو كان هو مين
مــــــــين
مين بسهولة باع ببلاش؟
من جوة مصر ومحسهاش؟
مين فينا كان نفسة في حاجة ومقلهاش؟
مين فينا مشربش من نيلها ومرجعلهاش؟
مين فينا هينسي حق أخوة؟
اللي أمة وأبوة علية بكوه
واللي في عز الندا نادا وسابوا
هتفضل سنين مننسهاش
مين قال السلطة طاعة ؟
ومين يقول تبقي في أرض الخير مجاعة؟
لحد ما افتكروا اننا ناس طماعة؟
فاض بينا فوق حدود الأستطاعة؟
موضوع: شباب النيل 
الثلاثاء أكتوبر 25, 2011 8:39 pm
