كل حاجه عن لف الطرح هنااااااااااااااااااا

انهــردة قـررت بعد معاناه .. اتعلم ازاي الف الطرحة كويـس

وقلـت اشاركـكم معايا .. نتعلم مع بعض

ونشوف ايه الجديد في طرق لف الطرح وقمـاش الطرح

وحاجات كتيـر هتفيـدنا اكيــد

[ندعوك للتسجيل في المنتدى أو التعريف بنفسك لمعاينة هذه الصورة]

بدون كتر كلام .. نشوف الاول انواع الطرح اللي ممكن نشتريها

وتدينا شكل جميل في اللبس

[ندعوك للتسجيل في المنتدى أو التعريف بنفسك لمعاينة هذه الصورة]

أولاً نصيحتي لكل البنات المحجبات وخصوصاً البنات الجديدة في الحجاب إنهم يشتروا مقاسات مختلفة من الطرح، وموجود دلوقتي في السوق طرح جاهزة مستطيلة ومربعة ومثلثة، وكمان فيها حركات وشراشيب وخرز وأحجار ورسومات، ودي بتساعد إن الربطات تكون حلوة وشيك واستايل؛ بالإضافة إلى أن الباندانات دلوقتي منها أشكال ومساحات مختلفة وألوان كثيرة.

وإيه الحاجات الأساسية اللي البنات لازم تعرفها لما تربط الطرحة؟ [ندعوك للتسجيل في المنتدى أو التعريف بنفسك لمعاينة هذه الصورة]

أول حاجة لازم تعمل شعرها كحكة وتلبس باندانة قطن كاملة على رأسها لأنها مفيدة وبتمنع تساقط الشعر، وتحاول تجيب دبابيس صغيرة جداً، وتلف أي طرحة على كحكة رأسها كويس أوي علشان اللفة تكون مظبوطة, والربطات تكون بسيطة, والطرح لا تزيد عن طرحتين، وتستخدم الباندانا كبديل عن الطرحة الأولى, وتحاول تبعد عن الألوان الكثيرة والرسومات الضخمة.

وإزاي البنت تربط الحجاب بتاعها بطريقة تناسب حجم وجهها؟ [ندعوك للتسجيل في المنتدى أو التعريف بنفسك لمعاينة هذه الصورة]

في قواعد أساسية لازم البنت المحجبة جديد تعرفها علشان شكلها يكون كويس والحجاب يخلي شكلها صغير...

لو جبهتها عريضة.. تربط الطرحة فوق حواجبها.

لو جبهتها صغيرة.. تربط الطرحة في آخر القورة.

لو ملامح وجهها فيها عيوب.. مثلاً الأنف كبيرة شوية تحاول تبعد عن اللفات الاسبانش أو الطرحة الماسكة على وجهها، وتحاول تعمل ربطة منفوشة وتحط إكسسوار على الطرحة، وتحاول تشغل عيون الناس عن إنها تركز على منطقة الأنف.

ونفس الحكاية لو الشفايف كبيرة الطرحة تكون منفوشة وتعمل ماكياج كتير على عينها، وتكتفي بملمع بسيط جداً على الشفايف..

إيه لفات الطرح اللي بتناسب أحجام الوجه المختلفة؟[ندعوك للتسجيل في المنتدى أو التعريف بنفسك لمعاينة هذه الصورة]

في حالة الوجه البيضاوي.. فمعظم الربطات تتناسب معاه، يعني الربطة الاسبانش أو الربطة اللي على جنب أو الكروس أو المقفولة من قدام.

في حالة الوجه المدور.. تبعد عن لفة الطرح على جنب لإنها بتزيد من مساحة الخدود، وتحاول تعمل ربطة زي شينيو عالي علشان تخلي الوش رفيع.

في حالة الوجه المربع أو المستطيل.. تحاول تنزل بالطرحة وتقفل الجبهة وتعمل كمان كروس طرحة عكس الثانية.

في حالة الوجه الطويل.. تعمل الطرحة على تحت ونقصر الجبهة وتعمل الربطات على وراء وعلى جنب.

يعني دي قواعد عامة لكن في النهاية إحساس البنت بعد ربطة الحجاب هو اللي بيدل على إن اللفة دي مناسبة معاها.

وإيه الموضة الجديدة في أشكال ونقشات الطرح؟[ندعوك للتسجيل في المنتدى أو التعريف بنفسك لمعاينة هذه الصورة]

الموضة السنة دى إن الإيشاربات تكون خفيفة وقصيرة؛ يعني فيه إيشاربات مربعة مجرد تانية على تانية بيكون زي شكل المنديل، وميزته أنه خفيف جداً والموضة كمان الإيشاربات المثلثات لإنها بتسهل كثير على البنات أنها تربط الحجاب كويس..

فمثلاً لو الوجه رفيع.. تجيب الإيشارب المثلث وتربط الطرفين اليمين والشمال وتكون الأطراف نازلة على الظهر ممكن تجيبهم على الجنب.

ولو الوجه مليان تعمل الربطة على ورا.

معظم البنات دلوقتي عايزين يصغروا وجههم لما يلبسوا الطرحة يعملوا إيه ويكون بطريقة إستايل؟ [ندعوك للتسجيل في المنتدى أو التعريف بنفسك لمعاينة هذه الصورة]

أفضل طريقة لتصغير الوجه وخصوصاً البنات الصغيرة هي فكرة الكروس، يعني إيشارب موجود على الرأس، والثاني يكون مواجه له بالعكس، والكروس بيقسم الوجه ويخفف من حدة الجبهة العريضة.

وفي طريقة تانية لتصغير شكل الحجاب، وهي إنك بعد ما تربطي الطرحة تجيبي طرف من الطرحة وتسيبيه ينزل على الكتف مع جزء من الوجه ويبقى كده قصرت وصغرت جزء من الوجه.

عايزين نتعرف على ربطات سهلة وبسيطة وتناسب كل البنات؟ [ندعوك للتسجيل في المنتدى أو التعريف بنفسك لمعاينة هذه الصورة]

دلوقتي هاقدم لكم لفة بسيطة..

وهي اللفة الموف على الفستان الموف في الأبيض وطريقتها سهلة جداً.

تجيبي طرحتين واحدة ساتان موف، وفيها شراشيب، والتانية نفس اللون لكن نقشتها مختلفة، وتستخدم كاسكارف على الرقبة.

وطريقة اللفة.. [ندعوك للتسجيل في المنتدى أو التعريف بنفسك لمعاينة هذه الصورة]

تجيبي الطرحة الساتان - اللي فيها شراشيب، وتربطي ناحية طويلة وناحية قصيرة حول كحكة الشعر من وراء، وبعد كده تجيبي الطرف الطويل اللي على اليمين وتقلبيها على الرأس، وكإنها طرحة عادية تنزل على الناحية الثانية مستريحة من غير ما أضغطها بدبابيس, أما الطرف الشمال هيكون نازل على الكتف من وراء.

وبعد كده تجيب الطرحة الاسكارف وتلفها على الرقبة وتداري بها منطقة الرقبة وشكلها يكون مكمل للطرحة الرئيسية.

[ندعوك للتسجيل في المنتدى أو التعريف بنفسك لمعاينة هذه الصورة]

وطريقة الكروس أعملها إزاي؟

أولاً إحنا اتفقنا إن بداية أي ربطة لازم ألم الشعر على كحكة؛ لإنها بتسهل ربطة أي إيشارب بعد كده...

ـ تجيبي طرحة مستطيلة وتربطها كويس على الكحكة.

ــ تجيبي طرحة تانية مستطيلة وتلبسيها من وراء بطريقة خلفية وتعملي لها كروس على قدام.

ـ بعد كده تلمي كل الأطراف، المهم مع بعض على وراء، وأشوف بعد كده استخدمهم في إيه.

وفيه دلوقتي كمان بندانا كروس جاهزة لكن الإيشاربات بتكون أشيك.

[ندعوك للتسجيل في المنتدى أو التعريف بنفسك لمعاينة هذه الصورة]

بصــي معـايا على اللــفة دي .. بسيطة وسهلة جداا

وشكلها تحفة

[ندعوك للتسجيل في المنتدى أو التعريف بنفسك لمعاينة هذه الصورة]

يتــبــع

[ندعوك للتسجيل في المنتدى أو التعريف بنفسك لمعاينة هذه الصورة]

عايزين نتعرف على لفه سهلة لا تحتاج دبابيس كثير؟

فيه لفة مش محتاجة لدبابيس زي اللي موجودة في الصور، ومكونة من طرحتين لونهم برتقالي × مسطردة، وفي الأول هي محتاجة طرحتين, الطرحة الأولى مستطيلة لونها برتقالي.

والطرحة الثانية طويلة وتكون قطن خفيف أوي ولونها مسطردة.

وطريقة اللف سهلة أوي...

• نربط الطرحة الأولى البرتقالي من وراء على كحكة الرأس زي ما اتفقنا، ويا ريت كمان نرفع الشعر لفوق على شكل شينيو علشان يكون عامل زي الصورة بالظبط.

• بعد كده أجيب الطرحة القطن وأحطها في الأول على شكل كوفيه حول الرقبة.

• وبعد كده أطلع بطرف الطرحة من وراء على الشينيوه العالي.

• أنزلها على الجنب اليمين بطريقة عشوائية يعني مش مربوطة بإحكام.

• وبعد كده الطرف الثاني ألفة على الرقبة بطريقة الاسكارف وفي النهاية أكون عملت شكل (انسيابي) للطرحة وبسيط ومش محتاج دبابيس ولا حاجة.

[ندعوك للتسجيل في المنتدى أو التعريف بنفسك لمعاينة هذه الصورة]

وإيه الأفكار البسيطة والمناسبة للإيشارب المثلث؟

أنا عاملة نموذج للإيشارب المثلث بطريقة بسيطة وتناسب الصبح ولونه أبيض x أسود وهو عبارة عن طرحة مستطيلة سوداء وإيشارب مثلث أسود × أبيض.

وطريقة اللفة

• أربط الطرحة المستطيلة السوداء أوي على كحكة الشعر.

• بعد كده أجيب الإيشارب المثلث وأربطه على الطرحة المستطيلة من وراء.

• وميزة الإيشارب المثلث إنه بيكون قصير وبسيط وعلشان كده من الأفضل إنه يتلبس على بلوزة (هاي كول) علشان تغطي منطقة الرقبة.

[ندعوك للتسجيل في المنتدى أو التعريف بنفسك لمعاينة هذه الصورة]

فيه بنات كتير بتحب تلبس طرحة واحدة... إزاي تربطها بطريقة استايل وبسيطة؟

أنصح البنات اللي عايزين يلبسوا طرحة واحدة لازم يختاروا فيها شغل وحركات علشان تساعدهم في إن اللفة تكون روشة.

وطريقة اللفة

• أجيب طرحة صوف وأثبتها من قدام وأربطها من وراء بدبوس (بمعنى أقابل الطرف اليمين والشمال مع بعض بدبوس)، وده عكس الطرح التانية مش هاربطها على الكحكة لإن القماش الصوف (سميك أوي)

• وبعد كده أمسك طرف منهم من وراء وأطلع به على الرأس من قدام وأنزله على الجنب.

• وبعد كده أمسك الطرف الثاني وأجيبه خلف خلاف الطرف الأول، واللي هيكون فيه شراشيب وأدخله من تحت الطرحة.

[ندعوك للتسجيل في المنتدى أو التعريف بنفسك لمعاينة هذه الصورة]

يتـبع

[ندعوك للتسجيل في المنتدى أو التعريف بنفسك لمعاينة هذه الصورة]

ما الألوان المتناسقة مع بعضها وتكون موضة؟

الفوشية مع الأحمر، والأورانج والبني، والموف مع الأصفر والتركواز.. وأنا في رأيي إن معظم الألوان تتناسب مع بعضها لكن المهم اختيار الدرجة.. يعني درجة معينة مع الأصفر ودرجة معينة مع التركواز وتداخل الألوان يحتاج تركيز ويعتمد على الإحساس الشخصي.

[ندعوك للتسجيل في المنتدى أو التعريف بنفسك لمعاينة هذه الصورة]

لو مش عاوزة ألبس الطرحة نفس لون البلوزة أعمل إيه؟

لو البلوزة أورانج مثلا ممكن ألبس طرحة زيتي أو بصلي أو أكثر من لون بس يكونوا مناسبين للون البلوزة

[ندعوك للتسجيل في المنتدى أو التعريف بنفسك لمعاينة هذه الصورة]

ازاي أنسق الإكسسوار مع الطرحة؟

يعني مثلا لو البلوزة صفراء ممكن ألبس طرحة تركواز والإكسسوار يكون تركواز أو تركواز في أصفر. ولو البلوزة زيتي ممكن الطرحة تكون صفراء والإكسسوار أصفر في زيتي، ولو البلوزة بيضاء فكل الألوان تتناسب معها، والإكسسوارات تكون ملونة ومتداخل فيها ألوان كثيرة..
...

[ندعوك للتسجيل في المنتدى أو التعريف بنفسك لمعاينة هذه الصورة]

عايزين نعرف طريقة ثانية لربط ثلاث طرح وتكون روشة؟

[ندعوك للتسجيل في المنتدى أو التعريف بنفسك لمعاينة هذه الصورة]

1 - الطرحة الشيفون أول طبقة.

2 - الطرحة الثانية أجيبها من نصف رأسي بالطول.

3 - الطرحة الثالثة التول أطلع بها كروس لفوق.

4 - أجيب الطرحة الشيفون اللي عملتها من نصف رأسي للوراء.

5 - أرجع تاني وأقفل (كروس) وأنزل كأني أدخلت الشيفون وقفلتها من المنتصف.

الشكل هيظهر عندي كالتالي:

6 - اللون الأول قفلت بيه شعري.

7 - بعدين طلعت بالتول كروس.

8 - وبعدين قفلت من النصف بلون ثاني شيفون.

9 - وكده هيكون شكل الألوان متداخلة. وقفلت المنطقة الأمامية.

بعد كده أعمل إيه؟!

10 -هتكون عندي الأطراف للوراء.

أعمل فيها إيه؟

11 - لو وجهي مليان تكون الأطراف للوراء.

لو وجهي رفيع أجيب الأطراف للأمام.

لو جسمي قصير أرفع الأطراف لفوق.

لو جسمي طويل أنزل بالأطراف لتحت.

[ندعوك للتسجيل في المنتدى أو التعريف بنفسك لمعاينة هذه الصورة]

ربطة الطرحة السواريه تكون عاملة ازاي؟

[ندعوك للتسجيل في المنتدى أو التعريف بنفسك لمعاينة هذه الصورة]

الأفضل تكون أكثر من طرحة وفي البداية:

1 - أبدأ الأساس بالطرحة الشيفون.

2 - بعدين أضع الطرحة التول عشان بيعطي للبنت شكل فخامة.

3 - وبعدها أضع إكسسوار زي (شريط ستان – سلاسل خرج النجف) أو قطعة من الفستان.

4 - وبعدها أقفل الطرحتين بأكثر من طريقة ممكن الشيفون والتول مع بعض لقدام أو المهم مع بعض كلهم شنيوه عالي لفوق.

عايزين نعرف طريقة ستايل لربطة التول والشيفون؟

1- أجيب الطرحة الشيفون أربطها على شكل كحكة.

2 - أجيب الطرحة التول وألبسها من الخلف وأعملها كروس على قدام.

3 - أنزل بيهم تاني للخلف وكده هيعطيني شكل البندانة.

4 - بعد كده ألمهم كلهم مع بعض على تحت الشيفون مع التول.

[ندعوك للتسجيل في المنتدى أو التعريف بنفسك لمعاينة هذه الصورة]

عايزين طريقة لفة طرحة تكون روشة؟

[ندعوك للتسجيل في المنتدى أو التعريف بنفسك لمعاينة هذه الصورة]

1- نجيب إيشارب واحد نربطه من الخلف طرف طويل وطرف قصير.

2 - الإيشارب الثاني نمسكه بطريقة مائلة ونربطه من الخلف.

3 - كده أصبح عندي أربعة أطراف في الخلف، 2 قصيرين و2 طوال.

4 - بعد كده أجيب واحد من الطرفين الطوال وأطلع بيه عدل وأربطه تاني للخلف.

5 - كده المنظر أو الشكل عدل بميل واللي بعده عدل.

6 - هيكون باقي عندي طرف طويل وطرفين قصيرين.. في هذه الحالة ممكن أجيب الطرف الطويل ألفه على الكحكة وأجيب الثلاثة أطراف على قدام.

7 - لو الأطراف طويلة أعملهم ضفيرة لقدام أو على الخلف.

8 - وممكن فكرة ثانية أجيب الطرف الطويل ألفه على الطرفين القصيرين وأمسكهم في النصف بإكسسوار على كحكة من وراء.

9 - إذن المنظر في النهاية هيكون من قدام عدل ومائل ومن الظهر الأطراف عاملة زي (ذيل الحصان) ومربوطة بإكسسوار.

[ندعوك للتسجيل في المنتدى أو التعريف بنفسك لمعاينة هذه الصورة]

هل ربطة الطرحة الإسبانش تراجعت شوية؟

[ندعوك للتسجيل في المنتدى أو التعريف بنفسك لمعاينة هذه الصورة]

أيوه الربطة الإسبانش تراجعت وأصبحت منتشرة حاليا الربطة المنفوشة وخصوصا الطرح الصوف المنقوشة ونازلة على الظهر كله وجود أكثر من طرحة مع بعض.

..
.

[ندعوك للتسجيل في المنتدى أو التعريف بنفسك لمعاينة هذه الصورة]

يتــبع يا قمراات

[ندعوك للتسجيل في المنتدى أو التعريف بنفسك لمعاينة هذه الصورة]

وعامله كمان نموذج لفة اسبانش لطرحة لونها أبيض في أحمر، والربطة دي كاجوال وبسيطة جداً...

عبارة عن طرحتين طرحة مستطيلة حمراء، وطرحة حرير أو شيفون أبيض في أحمر.

وطريقة اللفة

• نبدأ نربط الطرحة المستطيلة الحمراء على الرأس من وراء كويس أوي.

• بعد كده نجيب الطرحة التانية ونربطها على الطرحة المستطيلة الحمراء.

• نلف طرف من الطرحة على الكحكة والطرف التاني ينزل على الكتف من الجنب.

ودي طريقة تانية للـف الطرحــة

[ندعوك للتسجيل في المنتدى أو التعريف بنفسك لمعاينة هذه الصورة]

ودي طرحــة لامعـة .. في الاول كانت موضة في الليـل بس

لكن دلوقتـي موضة بالليــل وبالنهـار كمــان

[ندعوك للتسجيل في المنتدى أو التعريف بنفسك لمعاينة هذه الصورة]

منـنـساش كمـان ان طرحـة الاسكارف نازلة مــوضة شديدة جداا الايام الجاية

[ندعوك للتسجيل في المنتدى أو التعريف بنفسك لمعاينة هذه الصورة]

ختــامـــا

[ندعوك للتسجيل في المنتدى أو التعريف بنفسك لمعاينة هذه الصورة]

يارب يكـون التوبيـك عجبــكم .. وقدرت افيدكم ولو بشيء بسيـط

بشكركم جدا على وجودكم .. منوريــني دايمــا

[ندعوك للتسجيل في المنتدى أو التعريف بنفسك لمعاينة هذه الصورة]

ميرسييييييييييي

ايزابيل
علىالطرح المميز

[ندعوك للتسجيل في المنتدى أو التعريف بنفسك لمعاينة هذه الصورة]

بجد الموضوع مفيد ميرسى ايمان

[ندعوك للتسجيل في المنتدى أو التعريف بنفسك لمعاينة هذه الصورة]

موضوع رائع تسلم إيدك يا قمر

تسلم الايادى بجد موضوع روعه wink

» اجمل لفات الطرح للمحجبات واجمل التسريحات للغير المحجبات بالصور
» اول حاجه قول هاااااااااااااااااااى
» كل حاجه فيك بتاعتى..
» كلمات البوم حاجه مش طبيعيه محمد حماقى 2010